Kenep kui sepanjang CNY 2012

Sepanjang CNY 2012 akui melo tua huma, perah kahung, perah batuk, perah larem, perah la'ung, perah gigi pah. Lim na'an perah nei alem batung. Perah kenep pah te perah pelemana pah te ateng em kaseh kuman. Penga kucing kalo nganak avin dara lan ha mali. Kahum bakeh kina men gereja maveh tei ngabang CNY ha amin daha usi te kenep ngenep tei.
Usi kui mengerti. Tekanan darah meningkat bau avin kahum lan ket ek pelamana. Risau te kawah te bimbang te heleh pah te masam-masam ket nei alem kahung alem pikin kui. Sepanjang 5 malem akui em jadi tudu. Kuri hangun kui peju panau alem amin bayangan kui ika pasi nangih avin kahum lan tusah beban alem urip ka. Akui jam ika BERKORBAN demi masa depan anak ka are.. Akui jam ika berkorban avin ika nyalam anak ka, usi ka ngenep dalo em te taman.. usi ka ngenep dalo anak ula. Ika ji doh aleng en petira alem Amsal 31:10-31. Lim-lim barik ka te alem joh anan. Melu kui avin barik ka piah aleng en Tuhan bara. Men ika aleng jam tuk anih, anan bara ika akui paen doa ja ika selamat ja ika melu ja ika hipun dena pejoh urip aleng Tuhan uk men itam kelunan jarun tam pidah Iha nei ngelua. Meng seng ngesahun men Tuhan... pejoh tetap pejoh tengayet ateng baya. Tuhan janji seng mauk alan na ika musang men lim pesek alem urip ka [1 Kor 10:13]
Kuri kuri duman aleng uh tegu CNY akui dahin kalo panak melu tei peji dahin bakeh tei ngabang, avin kahum ANGPOW daha uk... hituk kui 5 duman aleng uh dih kalo panak ha Sibu, te huwi RM200.00 angpow daha uk kalo, bi duman anih ji ji sin pah em te.. kenep pasi liveng pelamana ija dawa mujan tei su. Lebih lebih kenep kui kawah aya aya te urip ka aleng hipun kahum na'an tusah alem urip.
Meju aran Tuhan avin ika deng mengatasi lim cubaan aleng huwi dekaya alem urip ka. Peletu Tuhan melek ika are... peletu Tuhan hadau ika. Iha nyalam ika paen paen. Akui jam lahuh Kinah ka dahin pegangan ka semakin kuat matang dahin sukup teguh pikin ka.
Kinah kui alem lim-lim keputusan urip ka akui nginah temai sayu, teneng dahin mauk dena alem urip ka ateng ateng baya.

Akai kui te Tuhan

Tuhan im masi harik ja ha paen tageng alem kinah na te ika. Meng melek iha meng im hadau te iha. Alem ha na keputusan aleng huwi tusah na pelemana im masi ha ja iha hipun kenep aleng nyemugen dahin hipun kenep aleng teneng paen ha unan ka. Ika uh janji alem surat ka usi peletu ka tei hadau daha aleng ngioh ika. Harik anih paen nyalam ika dahin tengayat na ket aleng kenep Ka. Jaka anih Tuhan im uk men iha kenep aleng hituk te janji ka aleng pehituk iha Ika paen nyalam iha ateng-ateng baya.

Tuhan im gem usu na im mayak ha alem lim keptusan na na. Anih ketalau kui te Ika. Amin

Prayer I need LOVE

Lord, thank you for your word that is true and stand forever. Thank you for your love expressed to me in the Bible. Today I feel I don't matter to anyone. I feel I am hopeless. I feel no one appreciate me. But thank you for your love never fails that has been with me from the beginning and will be with me to the end. Thank you for your love that is unconditional and not based on good work. While I was the worst sinners, you loved me and send your Son Jesus Christ to die on the cross for me.

Forgive me for what I have done before you. Fill me with your love Lord. Please help me to remember that YOU always love me no matter what happen to me. In Jesus' name I pray . Amen

20 January 2012

20January 2012 ji dau aleng avak tusah pelamana marung urip ka. Kenep kui tusah kenep tegu kui pelemana jaka ka pesuk iha. Men jihima ateng malem akui em teneng pelemana ateng kui larem, perah kahung. Terbayang alem pikin kui ju kuwa pesuk, terbayang kui ju kuwa em te daho aleng sayu. Kenep kui dahin pikin kui hituk ika alem sembayang kui ja ika paen jaga batung ka dahin jaga kenep ka. Tanpa kui sedar akui larem, em kaseh kuman, usi te henoh ngenep kuman avin akui masi pelemana kenep ka avin ika en na peluvat aya aya. Men ika harik aleng ek nyalam, Usi kui sanggup iha peluvat ika laan.. Uh sukup dara ka penga iha nei uli pala ika dahin hipun kenep aleng nyalam ika bi peletu te kenep na te ika laan. Ika ji kelunan aleng uh sukup matang dahin sukup nyemugen kerai nih, usi patut ka melai na peluvat laa. Akui sebagai harim, sebagai bakeh sebagai couselor or nun tua status kui, nusi kui ngenep hi hi tua seng peluvat ika. Ika ji kelunan aleng amat berharga alem Tuhan.

Peletu kui pernah rasa nunih alem urip, avin huwi huwi pelamana tuk urip ka akui em te selera kuman em jadi tudu dahin sayu ateng larem. Haut malem akui pelemana urip ka alem amin tegu kelo peji, tusah kenep kui pelemana ika na keputusan aleng sayu demi kebaikan dan masa depan anak. Akui paen sembayang ja Tuhan aleng im ketalau masi ika ja ika hipun dena, melu dahin hipun kinah aleng tageng paen ateng- ateng baya.