Kenep aleng liveng

Haut dau haut malem akui pelemana ika, ji dau kah akui em duan ika em jam ika em tengaran ika henoh kenep kui awi ji minggu. Bayangan ka aleng paen ngeli'em tutek nei nyemau alem pikin kui tegu kui miri tudu.

Seng ateng hiran kui nunih? Usi sayu henoh melo dep, usi pah sayu miri dep avin ika su men beh kui. Ngenyupe ika ngelemeng akui dahin mupuh kudek kui aleng perah anih.

Akui nyalam ika dahin paen nyalam ika ateng ateng baya. Men ika aleng basa blog anih, hituk im te janji kui men ika akui nyalam ika dahin ketu u'a kui, dahin ketu kenep dahin ketu pelemana kui. Hino hino ka tei meng hadau te akui. sayu ka tei ha lirin usun tana meng hadau sembayang men akui ja kui mageh melu paen dahin tu'a paen nyadui mahek Tuhan. Halam kui te ika sa sa dalem awi pakat kayo pangin aleng sa sa tei dalem.