Tebara men lim anak kui

Tegu kelo uh nei nyamdoh uh deng ngahawa, meng seng timah respon te lake aleng ngenp kelo. Sembayang ilau kenep Tuhan. 
Te 9 barik lake aleng patut kelo pelemana awi te lake ngenep kelo anak kui.
1. Lake anan piah kinah dahin piah aliran gereja dahin komited alem pelayanan
2. Lake anan uh te hadui permanent aleng deng puboh kuwa murip
3. Lake anan mageh em te perah aleng kronik
4. Lake anan uh hipun  amin dep/kereta dep/basikal dep/ motorsikal dep.
5. Lake anan NYALAM YESUS dahin nyalam ika dahin nyalam amei inei ka nyalam pui doh pui ake, harin ka.
6.  Lake anan usi ha hating ngioh kenep na dep maveh tei peji panau dahin na dep tegu malem.
7. Lake anan kaseh pekalai  budaya ka dahin ngenep jam pahu ka dahin daleh ka.
8. Lake anan terbuka nei pala amei inei ka bara kenep na
9 Lake anan siap ngioh peraturan gereja avam bertumbuh alem kinah. 
Hi hi aleng basa blog anih patut pelemana sayu sayu katuk anih. Usi kui ngenep hi hi anak doh avin akui hipun telo anak doh, anih nah katuk kui men dalo, ja dalo em kate kenep baya. Kahum uh ek ineng daha anak tenup tua ngenep lake aleng kuma ngenep daha macam lah lake anan dep te nyemau alem urip na. Dahin liva kenep kui ja hi hi basa blog anih pelamana sayu. Tuhan akan beri aleng terbaik untuk ika anak kui.