Liveng Aya Kui Te Ika

Akui ngalung daho anih men ujung ngalang Batu Feringgi Pulau Pinang te pukun 5.30 levi 17June 2011. Kenep kui em tei hadau te ika. Ika paen alem kenep kui. Haut dau kui telefon ika. Akui ngenyupe ika putung dau. Liveng kui peji dahim.

Haut malem kui pelamana ika. Peji panau, peji pahlung, tei ilau pako alem uro, tei ala kayo avan pesak laho. Tegu kui melo alem kelas pah tutek kui ngalung aran ka ujung buhup kui. Kuman pah em sayu, tudu pah em dena, miri pah em jadi, melo pah bingau, duh pah awi tegang tua avin pelamana ika. Ju barik ka aleng lemen aleng nyemugen paen tula tegu kui melo dep ujung batu ung Batu Ferringgi anih. Men ika aleng ek nyalam paen. Ika doh kui ika bakeh kui. Akui liveng aya aya te ika.